|
|
今日小雪农历生日，自然唔可能再学似新历甘食380一位，所以我地决定简简单单，两个人食一碗长寿面。
讲到长寿面（即系伊面咯），记起好多人都推荐过长寿路“坚记”，傻SUE仲特登发过帖。于是我地千里迢迢坐地铁去长寿路，一坐低就谂起傻SUE话过牛腩捞伊面正，两个人要佐个大。
车，一D都唔大！太好味啦，D牛腩虽然选料唔及太平沙财记靓，但系居然比我食翻细个系街边5毫子一串果D牛杂既味道，好熟悉啊~~
D伊面呢，不愧为招牌，入口绵绵的，又不失烟韧。据闻长寿面要一条啜晒入口先吉利，车~~斗长气咩！食面我喜欢大啖大啖索入口，等D牛腩汁同口腔撞击成雾状，充分覆系味蕾上面。
两个人一碗面，自然只有三分一饱。行过一间烧腊店，好多人排队，D鸡翼烧D好靓，绝对靓过K记。忽然两个人都想食粥，嘻嘻嘻~~其实“坚记”旁边就系好出名既“同记”，据闻白切鸡唔错，33蚊只。不过我地唔饿，食碗鸡粥算数。再叫多碟通菜。
虽然店仔细细，但甘出名果然唔系浪得虚名。粥底绵夹滑，至于鸡……轩轩自细唔食鸡，大个之后肯食，但分两种：只有肉能吃的，皮也能吃的。只有靓鸡，D皮先唔腥，“同记”属于后者。
简简单单一碟炒通菜，用鸡油就会香好多。第一次见小雪食菜无刻意压晒D油……
食完再行过果间烧腊店，仲系好多人排队，D鸡翼依然好靓，不过我地已经饱啦，唔系一定傻翻次，跟住D人排队，然后一人拿住只鸡翼走去旁边间鱼蛋粉档食潮州鱼蛋粉，细细……
然后我地去第5街，想拣条热裤送比小雪，有条着上去好好睇噶，不过居然连S都松！美帝国主义对小巧的中国妇女的歧视的又一力证！！！！狗日的~~
最超值的地方：
RMB16.5，好味又抵食 |
