|
|
环市东“哈罗哈”唔见左了，不久后变成“胜日门”，经过重新装修，由东南亚餐厅变为法国菜餐馆，同时价位都上涨，成为附近食肆中几乎最高的餐厅。不过顾客依然唔少，因为呢度食嘅法国菜的味道同就餐的气氛都吾错，适合不少中高层次的人过来谈情、商谈，而且位置间隔唔拥挤，唔会好似隔离的食肆咁嘈哄哄～。其实讲到价钱，经营法国菜，呢度的价位其实都算平民化的了，至于消费级别，就见仁见智了。
当晚餐单：
▲奶茶￥15/杯，咸的，同平时我地饮开的港式奶茶唔同，可能吾系个个都会接受，饮完一杯都饱饱地了。
▲头盘红酒汁香煎肥鹅肝￥68，虽然价格高，但物超所值，肥厚的鹅肝，入口质感真係同你平时食好鬼平果d唔同，而且够多，2大块（约2两）。
▲法国咸猪手，猪手烹熟后去骨加配料再做成肠仔形，入雪柜放一晚先可以食用，我觉得味道怪怪的，可能不太适合我的口味。
▲鹅油烤鹅肶￥45，这个菜厉害了，1斤重的鹅肶，经过腌制、鹅油浸、焗香，要提前一日一夜先可以制作出嚟。食起身肉质有d似广东腊鸭，不过好味得多，外皮脆内肉香。
▲香煎三文鱼扒￥68，我最中意食呢个。三文鱼好大件，约有4两重，煎到外面刚熟，内里大概只有6、7成，口感十分嫩滑，豉油汤汁感觉几好。
因为係靓仔老世请，所以十分开心，哈哈！不过比较遗憾的係当晚的精彩菜式係糟蹋喺我同另外一个GG的手上，我地你一刀我一叉咁食得太不雅了，呵呵！
－－－－
还记得上次去哈罗哈见到一个红当当的靓仔老世（不是阿red哥啊～），原来佢係法国菜大厨嚟噶，仲喺法国生活左好多年添！衣家胜日门就係佢从法国翻嚟后开的第一家店，在法国学左7年厨的他，希望在家乡（广州）搞翻间法国菜餐馆，希望改变广州人对法国饮食文化的睇法。最搞笑佢话自己的中文水平净係停留在移民前的小学水平，啊哈哈～～～真係识得讲笑～～最难估到嘅就係佢嘅年龄，呵呵，卖个关子先！
－－－－
胜日门有较为划算的套餐：
68元或者88元两款：68元的可以任选头盘+主菜，或主菜+甜品，送奶茶或咖啡；88元的是任选头盘+主菜+甜品，送奶茶或咖啡。菜牌打着重号的是招牌菜，套餐点的话需另加收15元。
中午主餐＋奶茶仲便宜，￥28
最超值的地方：
地道法国菜 |
