|
|
上周四下午有偷鸡的机会，于是去岗顶办事之后就伙同sunny猪去天河北新开的茶餐厅试下，坐低仲call埋顺子飞车过嚟，反正阵间3个女的一齐入天体仲好，容易跟场，哈哈～～～
间茶餐厅开左吾系好耐，具体地点就係天河北陶然居对面，同西斯廷Cafe只相隔个八佰伴同金叶，门口係绿色的！我第一个到达，入去坐低，睇菜牌发现价钱就真係好香港了：云吞面十几元一碗啊，拉肠果d差唔十元，饭市点菜的价钱更加拍得上中高档酒楼……下午茶好d，16元均一，A＋B式，但其实都算贵咯我觉得。
sunnyG本来以为有咖啡角，点知原来係菜牌打错字其实係咖喱角，佢话唔识得，于是临时要左个西多士＋咖啡，我就要奶茶＋吉列手指鱼。点知佢个西多士真係十分揾笨，好肉酸咁两件上嚟，咁就16元，好唔掂咯！而我果个手指鱼就睇上去份量多d，我都平衡D。顺子要鸡翼＋奶茶，都好啦，有4只，就係隆左d咯～～
至于奶茶，我觉得都几好，稍嫌细杯d，比和平馆的细D。咖啡我冇饮过，sunny猪话淡D喔～～我地要自己加糖，吾系糖包，而係台面的糖罐子，没试过HK的茶餐厅，唔知咁样是不是正宗，呵呵～
埋单16×3元
－－－－
建议西多士下午茶餐降价，16元好揾笨！
|
