美食:

美食杰广州美食的饮食 濠景蟹煲正！

周四晚濠景老板打电话过来说请吃饭，于是和贝贝还有两个朋友去试了濠景的蟹煲。 要了凤城鲮鱼球、生炒菜心、好味猪手、香辣蟹煲、蒸跑山鸡。 蟹煲辣得相当出色，用葡式咖哩粉加墨西哥辣椒粉，无落椰奶，以免喧宾夺主。 因为椰奶的味道会在一定程度影响海蟹独特的咸鲜味。 蟹煲汤底用花甲同一D葱蒜之类熬成，清甜。港式香辣蟹做法，中意辣的仲有劲辣的辣椒粒等你自己加落去。 吃完香辣蟹之后用汤底再煮一个原装出钱一丁煮面，好吃到不得了！ 好耐无吃过咁好吃的蟹煲，并非因为老板请客所以咁讲。 而是而家太多所谓的咖哩蟹、香辣蟹真是做到不知所谓。 好味猪手，的确几惹味。连我呢D从来都唔多中意吃猪手的人都吃咗四件。 生炒菜心唔算出色，不过鲮鱼球做得唔错。 而家仲未正式营业，老板高薪请咗以前陶苑的大厨过来，味道有一定保证。 看过菜牌总体价钱唔高，蟹煲98、柃鱼球18，猪手28，菜心18、跑山鸡35蚊半只。 最超值的地方：      好味，价钱都唔贵。

第 1 幅 　　鲮鱼球好弹牙，唔腥，而且油唔多。啱晒怕油的我。

第 2 幅 　　好味汁猪手，真是好惹味。用猪仔脚，唔肥腻。

第 3 幅 　　超正的蟹煲！值得一试！

第 4 幅 　　整多张，右下脚是原装出钱一丁的煮面

第 5 幅 　　煮粉丝蟹煲的黄油蟹，真是连脚趾都有油。而家外面吃的黄油蟹好多D黄油是实的，其实应该是软的先是正宗的。因为黄油的形成听我爸说是因为蟹发生咗一定的病变，因为细菌造成的，即使你唔吃佢，佢都好快死。市面好多黄油都是同蟹打激素，又或者喂食一D药物，所以吃黄油的时候一定要小心。而家正宗的黄油亦都买少见少，所以提议大家要吃黄油的话，都是去大的食肆吃，比较放心。

第 6 幅 　　黄油同奄仔蟹合照，濠景卖黄油大概两百几三百，奄仔就平D

详细地址：沿江路濠景 餐厅席位：大概300 餐厅环境：不错，有一线江景。