|
|
某日过去荔湾广场，发现4楼有间金牛一，首先吸引我的系6元下午茶，跟住再睇到午晚饭市28元/人，仲写住海鲜自助餐添～～于是入去试试喇，哈哈！
发现品种几多，不过海鲜就吾系好多，有花蟹同青口，听个睇场的话，写“海鲜”都係为左吸引d客人遮！其它都係比较家常的小炒类，仲有煎炸类，薯条、春卷、白切鸡、扣肉、辣子鸡……乜都有！而仲有三个有厨师嘅档口，包括煎薄撑、煮粉面云吞饺子青菜、煎扒类、烤肉串，睇落都几吸引。另外甜品档口就吾系一般自助餐的西式甜品，话明中餐当然系平时茶楼单尾的南瓜酥、萝卜酥、蛋挞之类喇，估唔到食落几好食喔，好过好多酒楼。隔离仲有沙律，不过沙律我就冇兴趣试了。饮品方面都唔少，可乐、雪碧、橙汁、薄荷柠7、啤酒……，奶茶就唔多好饮～～饭后可以食翻碗龟苓糕润下～～正！
28元虽然冇三文鱼，冇生蚝，不过d野几好食啊我觉得，而且人气几旺，自助餐就係要有人气d出品先有机会保证新鲜。果个花蟹我都食左好多，肉唔多，不过炒得几美味，而且我睇住服务员出来加左3次，都吾错哦～
自助餐时间好长
中午11点几～下午3点
夜晚5点几～晚上9点
真係点食都得！
中间有下午茶6元，好似系饮品＋多士，呢个未试过！
最超值的地方：
28元自助平靓正 |
