美食:

美食杰广州美食的饮食 新店试食__云海槟城

今晚突然接到电话，香港D亲戚番咗嚟，俾人CALL出去埋单。。。。。。 唔知点解，香港D亲戚会知道白云山旁边开咗间新店，居然带我哋去食，真系搞笑，揾食揾到上嚟广州，真系服咗佢哋啰。 呢间嘢其实已经装修咗大半年，唔知点解迟迟都未开，终于喺噙日开张大吉。佢位于白云山售票处（云台花园嗰边上）旁边的分叉路口，空气清新，绿树婆蔬，加上新开张，环境真系冇得弹，而且都几大间，又多一个上山食饭好去处。 今晚8个人，食咗12个菜1个主食，共310蚊，总体嚟讲，都算平靓正，个人觉得好过耀华集团嘅“沙河粉村”同“阿来三鲜城”。 最超值的地方：      平，空气好

第 1 幅 　　鸡嘅选料差咗D，冇乜鸡味，要用豉油搭救。

第 2 幅 　　牛仔骨选料非常好，肉质好嫩，肉上带有少少脂肪，食落口感唔错，好甘香。可惜呢味菜调味过甜，失咗唔少分数。

第 3 幅 　　推荐食品——煲粉藕。D藕好正，好粉，而且入晒味，不可不试。

第 4 幅 　　烧鹅。卖相唔错，可惜鹅太肥。

第 5 幅 　　竹生豆腐。配上鲜虾同肉碎，味道清淡。

第 6 幅 　　游水仓鱼。肉质鲜甜嫩滑，蒸鱼手势一流，啱啱好。

第 7 幅 　　新开张，装修一流，大厅同房间采用布艺装饰，新嘅时候应该好睇，但旧咗或唔觉意搞污糟咗就唔知点算！

详细地址：广源东云泉路163号 订座电话：87633222 87639088 餐厅席位：多 餐厅环境：靓，阔落 服务态度：非常好 优惠特价：新张期间8.8折，送9折贵宾卡 营业时间：有早茶 人均消费：20元 交通路线：240、24、285 车位情况：大型停车场