美食:

美食杰广州美食的饮食 （重点推荐）拍拖圣地——半山扒房

又到周末，又系同老婆撑台脚嘅时候啦。听人讲天河公园对面有间超正嘅西餐厅，环境好适宜拍拖，虽然结婚咁多年，但系作为男人，都系应该时不时同老婆回味下旧时嘅感觉嘅，因为女人系需要浪漫嫁。 呢间店听讲系全国连锁嘅，据我所知上海就有一间。佢嘅等色食品就系——牛排，听讲制作嘅工序极之繁琐，讲求嘅系慢工出细货。从店入面嘅宣传单张可以睇到相关嘅介绍：为咗烹调出牛排嘅精髓，佢哋只会选择美国CHOICE级嘅第六至第八对肋骨嚟烘烤，每一条骨的长度都会控制喺17公分，重16盎司的最佳规格上，所以一头牛只能供应俾6个客人食用。佢哋会用特殊嘅中国口味佐料奄浸两日，再用慢火烧烤一个半钟，用高温达120度的瓷盘盛装。。。。。。 咁正嘅推介梗系要试下啦，于是拿拿声叫部长过嚟点菜。我哋点咗5样嘢，总共埋单217元，感觉就得“超值、必试”四字。呢度嘅牛扒讲究嘅系奄制嘅味道，与“麦迪逊西餐”火山石炉烧牛扒讲求嘅原味截然不同，完全系两种唔同嘅享受！ 提示：1、千其唔好同部长讲点几成熟嘅牛扒，因为呢度嘅牛扒系要全熟先好食嫁 2、有贵宾卡嘅可以打9折 3、一个月内累积消费500元或一个月内消费三次嘅可领贵宾卡。 最超值的地方：      超值、必试！

第 1 幅 　　宏奇王品建于一个小山岗上，居高临下，建筑风格采用欧式与中国园林相结合，至身其中，有如在半山别墅中就餐。（图片摄至餐厅内宣传简章，与实景一样）

第 2 幅 　　装修豪华，环境舒适。灯光柔和，系拍拖最佳首选。

第 3 幅 　　夏威夷水果沙拉（￥18）。呢到嘅沙拉酱好食

第 4 幅 　　送嘅面包。有牛油同鹅肝酱配。

第 5 幅 　　宏奇王品牛排（￥108）。大家唔好俾张相呃到，其实嗰牛排好大份，两个人都够食。真系估唔到牛排烧咗咁耐仲可以保持肉质嘅鲜嫩，全熟嘅牛排唔带任何血丝，咬落去成口鲜甜嘅肉汁，由于奄制嘅时间够耐，所以特殊嘅香味充斥住你嘅味蕾，简直正到痹！另外，大家食嘅时候先其唔好漏咗一个部位，就系骨同肉之间嘅牛腱啦，肉感弹牙，米走鸡！

第 6 幅 　　沙茶牛肉炒饭（￥35）。味道唔错嘅炒饭，够特色，饭炒得好干身，沙茶酱嘅味全部渗晒入D饭度，牛肉亦都好嫩，食落感觉似牛柳。

第 7 幅 　　美国碳烤猪肋排（￥48）。其实呢间嘢除咗牛排系特色之外，个人觉得其他嘅扒都系做得唔错嘅。好似呢个猪肋排，佢哋唔系用嚟碳烧，而系用嚟碳“烤”，因为猪排嘅肉较薄身，烧起上嚟，肉汁会流晒出嚟，而用烤嘅方法，可以先将酱汁涂喺上面，既保持咗肉汁唔会外漏，也可以使到酱汁嘅味渗入肉入面。

第 8 幅 　　猪肋排嘅横切面。食落面头脆，入面淋，甜甜哋，又有少少黑椒嘅辣，好易入口。

第 9 幅 　　局蛋布丁（￥8）。布丁淋咗焦糖喺上面，可惜口感欠滑。

第 10 幅 　　揾食地图。其实就喺“金华安潮州菜馆”旁边。顺住楼级上“山”就系啦。

详细地址：广州市员村二横路2号（天河公园南门对面） 订座电话：85520417 餐厅席位：200 餐厅环境：园林景观、欧洲建筑、流水潺潺 服务态度：非常好（能主动提醒你点嘅份量，并送上酸梅茶给你消滞） 优惠特价：贵宾卡9折（酒水、特价品除外） 营业时间： 人均消费： 交通路线：公交53号等 车位情况：多