美食:

哇~呢排眞係熱到頂唔順!!
一岀街.啲汗係汗狂飆...
好似唔洗錢咁~~~
所以.同佢行到攰攰哋就去食咗個冰!

海珠廣場間膳6度~
環境幾舒服.
最緊要係冷氣開得夠行吖嘛!!
點咗一個雜果刨冰同一碟鷄翼.
呢度啲鷄翼我都幾鐘意食~
味道都幾好.價錢又唔算貴...
十蚊三隻.都算ok喇!!!
至於嗰個雜果刨冰就一般喇~
水果都ok嘅.
但係啲冰就唔夠味...
所以食落去有啲寡囖.
但係夏天食佢都算抵吖~
食落肚又涼爽.
而且22蚊就夠兩個人食喇!
應該係兩個人都食唔曬...

PS:
服務員態度幾唔好!
男嘅掛住吹水.
女嘅掛住睇電視~
N呼都冇人應...
唉!今時今日咁嘅服務態度點得噶?!